Google+ Followers

esocom

Freelancer - libera laborulo

Samstag, 16. Februar 2013

La libera vespero (de Loriot)

Virino Hermann?
Viro Jes?
Virino Kion vi faras tie?
Viro Nenion.
Virino Nenion? Kial nenion?
Viro Mi faras nenion.
Virino Ĉu tute nenion?
Viro Ne.
Virino Ĉu plene nenion?
Viro Ne, mi sidas ĉi tie.
Virino Ĉu vi sidas tie?
Viro Jes.
Virino Sed ion ajn vi ja faras?
Viro Ne.
Virino Ĉu vi pensas pri io?
Viro Nenio aparta.
Virino Ja ne malsalubrus, se vi promenus iomete.
Viro Ne, ne.
Virino Mi alportos al vi vian mantelon.
Viro Ne, dankon.
Virino Sed estas tro malvarme sen mantelo.
Viro Mi ja ne promenos.
Virino Sed ĵus vi ankoraŭ volis?
Viro Ne, vi volis, ke mi promenu.
Virino Ĉu mi?? Al mi tute egalas, ĉu vi promenas.
Virino Mi ja nur opinias, ne damaĝus, se vi foje promenus.
Viro Ne, ne damaĝus.
Virino Do, kion vi do deziras nun?
Viro Mi deziras sidi ĉi tie.
Virino Vi ja povas iun frenezigi.
Unue vi deziras promeni, tiam denove ne. Tiam mi alportu vian mantelon, poste denove ne. Kion do?
Viro Mi deziras sidi ĉi tie.
Virino Kaj subite vi deziras sidi tie.
Viro Tute ne subite. Mi dekomence volis sidi ĉi tie.
Virino Ĉu sidi?
Viro Mi deziras sidi ĉi tie kaj malstreĉiĝi.
Virino Se vi volus malstreĉiĝi, vi ne paroladus al mi.
Viro Mi ja diras nenion plu.
Virino Nun vi ja havus tempon ion fari, kio plaĉas al vi.
Viro Jes.
Virino Ĉu vi legas ion?
Viro Momente ne.
Virino Do foje legu ion.
Viro Poste, poste eble.
Virino Alportu do por vi la magazinojn.
Viro Mi deziras unue ankoraŭ iomete sidi ĉi tie.
Virino Ĉu mi alportu ilin por vi?
Viro Ne, ne, multan dankon.
Virino Ĉu la sinjoro deziras krome esti servata, ĉu? Mi kuradas dum la tuta tago. Vi tamen povus foje ekstari kaj alporti por vi la magazinojn.
Viro Mi momente ne deziras legi.
Virino Foje vi deziras legi, foje ne.
Viro Mi deziras simple sidi ĉi tie.
Virino Vi ja povas fari, kio plaĉas al vi.
Viro Tion mi ja faras.
Virino Tiam do ne plendadu tiom. Hermann? Ĉu vi estas surda?
Viro Ne, ne.
Virino Fi faras ĝuste ne, ko plaĉas al vi. Anstataŭ vi sidas tie.
Viro Mi sidas ĉi tie, ĉar plaĉas al mi.
Virino Ne ekestu tuj tiel agresema.
Viro Mi ja ne estas agresema.
Virino Kial vi alkrias min tiel?
Viro Mi ne alkrias vin!